АЛТЫН ҚҰТТЫ БОЛСЫН, СЫР ЕЛІ!

Ақтөбе қаласында мүмкіндігі шектеулі жандар арасында ҚР V жазғы Паралимпиадалық ойындары өтуде. Айтулы спорт бəсекесінде Қызылорда облысынан 54 спортшы спорттың бес түрі, дзюдо, жеңіл атлетика, волейбол, үстел теннисі жəне пауэрлифтингтен бақ сынасуда.

Жарыстың алғашқы күнінде парадзюдошы Олжас Оразалыұлы 66 келі салмақ дəрежесінде жеңімпаз атанса, 73 келі салмақта Азамат Тұрымбетов қола жүлдені иеленді. Нəтижесінде облыс спортшылары жалпы командалық есепте 3-орынды жеңіп алды.
Олжас әлемдік рейтингте үздіктер қатарында. Келер жылы Токио қаласында өтетін Олимпиада ойындарында алтын күтетін боламыз. Тағы да Сыр елін жеңісімен құттықтаймыз, Олжас тек олжалы орала беруіне тілектеспіз!
ҚР Паралимпиадалық ойындары 17 қыркүйек күні аяқталады.