БАЛА ТУҒАНДА БЕРІЛЕТІН БІРЖОЛҒЫ ЖӘРДЕМАҚЫ ҚАНШАҒА ӨСТІ?

2019 жылы ана мен балаға берілетін жәрдемақы мөлшері өзгерді. Кімге және қанша төленеді? Бұл туралы Электрон үкімет порталының мәліметін ұсынамыз.

Жыл сайын айлық есептік көрсеткіштің өсіп отыруына байланысты мемлекеттен берілетін жәрдемақының мөлшері де өзгеріп тұрады. 2019 жылы 1 АЕК 2525 теңге, өмір сүру құны 29 698 теңге болды. Ал ең төменгі зейнетақы (2018 жылы тағайындалғандар үшін) 36 108 теңге, ал ең төменгі жалақы 42 500 теңге болды.  
Сонымен, бала туғанда төленетін біржолғы мемлекеттік жәрдемақы қалай өсті? Жалпы, бұл Заң 2003 жылы енгізілген болатын. 2019 жылы біржолғы жәрдемақының мөлшері мынадай болды.
Бірінші, екінші, үшінші балаға  – 95 950 теңге;
Төрт және одан да көп балаға – 159 075 теңге.Егіз, үшем, төртем дүниеге келсе, біржолғы мемлекеттік жәрдемақы әр сәбиге жеке төленеді.