2019 жылы 1 қаңтардан бастап барлық коммуналдық тарифтер төмендейді. Соның ішінде газды жеткізу қызметі де бар, деп xабарлайды https://zhanaqorgan-tynysy.kz/ ҚазАқпарат тілшісіне сілтеме жасап.

  ҚР Ұлттық экономика вице-министрі Серік Жұманғариннің айтуынша, газды тұтынып отырған 11 өңірдің 9-ында тарифтер төмендейді.

  «Атырау мен Қызылорда облыстарында газдың бағасы арзандамайды. Аталған өңірлерде газдың бағасы сол күйінде қалады. Қазіргі кезде Атырау облысында газдың тарифі ең төмен болып саналады. Ал Қызылорда облысында газдандыру бойынша барлық инвестициялық бағдарлама орындалды. Сондықтан тарифті төмендетуге резерв жоқ», - деді С.Жұманғарин Үкімет үйінде өткен баспасөз мәслиxатында.  

 

   Оның айтуынша, келесі жылы жылу тарифтерін төмендетудің нәтижесінде республика бойынша 6 млрд теңге үнемделеді. Бұдан бөлек, суды бұру мен сумен жабдықтау саласында 2 млрд теңге, ал электрэнергия бойынша 14 млрд теңге үнемдеуге мүмкіндік болады. Жалпы, газбен бірге тұтынушылар 27,5 млрд теңгені үнемдей алады.