Google Android жүйесіндегі ескірген нұсқаларды қолдауды тоқтатады
Google Android жүйесіндегі ескірген нұсқаларды қолдауды тоқтатады.
Google Android 4.0 Ice Cream Sandwich жүйесінде "Play маркет" қосымшасын қолдаудан бас тартты. Бұл операциялық жүйедегі смартфондардың қолданушыларына жаңарту туралы хабарламалар келмейтін болады. Бұл туралы компанияның ресми блогында айтылды, - деп хабарлайды zhanaqorgan-tynysy.kz интернет газеті Tengrinews.kz тілшісіне сілтеме жасап.
Мамандардың айтуынша, бұл шешім жұмыс істейтін құрылғылар санының тым аздығымен байланысты. Android 4.0 Ice Cream Sandwich платформасында активтенген барлық Android-смартфондарының не бары 1 пайызы ғана жұмыс істейді. Бұл операциялық жүйе 2011 жылы іске қосылған. Google өкілдерінің сөзіне қарағанда, әлі де Ice Cream Sandwich жүйесінде жұмыс істеп отырған гаджеттер жүйе мен түрлі қосымшаларды жаңарту туралы хабарламалар алмайды. Ойындардың онлайн-магазині мен Google Play қосымшасын қолдау жабылады. Қалғаны өзгеріссіз қалады.
