Мəңгілік Ел, бұл - Жалпыға Ортақ Еңбек Қоғамы

   Елбасы Н.Назарбаевтың "Қазақстанның əлеуметтік жаңғыртылуы: Жалпыға Ортақ Еңбек Қоғамына қарай 20 қадам" атты бағдарламалық мақаласын насихаттау мақсатында Бірлік ауылдық кітапханасында "Дербес дамудың дара даңғылы" атты кітап көрмесі ұйымдастырылды.



    Шараның басты мақсаты оқушыларға тек еңбек арқылы барлық жетістікке жетуге болатындығын түсіндіру,адал еңбекке баулу, адам еңбегін бағалай білуге, еңбек адамдарын сыйлай білуге тəрбиелеу. Шара барысында еңбектің ерен үлгісі "Дала академигі" атанған Ыбырай Жақаев бастаған ер азаматтармен бірдей еңбек етіп, Сыр өңірінің байлығын еселеп өсірген Ш.Қазанбаева, С.Жұмабекова,Ж.Таспамбетова сияқты ақ жаулықты аналарымыздың еңбек жолдарының қыр-сыры, қиындықтары мен жеткен жетістіктері жайлы мағлұматтар берілді. Мамандық таңдауда қателеспеуге кеңес берген кітапханашының сөзінен ой түйген оқушыларымыз өз ойларымен бөлісіп, көрмеге қойылған кітаптармен жақынырақ танысты. "Əлемнің əміршісі -еңбек" атты слайд көрсетілді.