Жаңақорған ауданында жұмыспен қамту қаншалықты жүзеге асуда?

Жаңақорған ауданының әкімі Ғалым Әміреев Өңірлік Коммуникациялар Қызметінде журналистерге берген брифингте кәсіпкерлерге көрсетіліп жатқан қолдау жайында айтты.
Аудан басшысының айтуынша, ағымдағы жылы қабылданған халықты жұмыспен қамтудың кешенді жоспар аясында 3959 адамды жұмыспен қамту жоспарланып, оның 1978 жұмыссыздар, 1677 нәтижесіз жұмыспен қамтылатындар, 304 лайықты жұмыс іздеушілер қатарында. Осыдан жоспар 2069 адамға орындалды. Жылдық жоспар 52 пайызға орындалды. Жыл басынан жұмыс іздеуші ретінде жұмыспен қамту орталығына 1914 адам хабарласса, жұмыссыздықтан әлеуметтік қорғау шараларымен қамтылған азаматтардың саны барлығы 1562 адам болса, 1531адам (жалпы хабарласқандарға шаққандардың 98 пайызы) жұмысқа орналастырылды.