БАЛҚАШ-ҚАРАҒАНДЫ ТАС ЖОЛЫНДА АПАТТАН АЛТЫ АДАМ АЖАЛ ҚҰШТЫ

"1987, 1988, 1991 жылы туылған жастар қайтыс болды. Екі автокөліктің де қайда бағыт алғаны тергеу барысында анықталады. Біздің бригада 5-6 жас шамасындағы бала мен әйел адамды ауруханаға жеткізді. Болжам бойынша, ол сәбидің анасы болуы мүмкін", - деп мәлімдеді Қарағанды облысы бойынша Төтенше жағдайлар комитетінің "Апатты медицина орталығы".

Белгілі болғаны, алматылық нөмірмен тіркелген «Ниссан Кашкай» мен транзитті нөмірі бар «Лексус» автокөліктері соқтығысып қалған. Қай жүргізушінің қарсы жолаққа шығып кеткенін тергеушілер оқиға орнында зерттеу үстінде.

Жол апаты трассада үлкен кептеліс туғызған. Тәртіп сақшылары автокөліктерге арналған жолды жаба тұруға шешім қабылдапты.


Нұр.Кз