Аудан басшысы тұрғындарды толғандырған мәселелерді тындады

Аудан әкімі Тлеумбетов Мұрат Жолкелдіұлы жоспарға сай «AMANAT» партиясы Жаңақорған аудандық филиалында қоғамдық қабылдау өткізіп, тұрғындарды толғандырған мәселелерін, ұсыныс-пікірлерін тыңдады. Қабылдауға 4 адам келді. Олардың басым бөлігі тұрғын үй алу, кәсіпкерлік мақсатта жер алу, ауылды газдандыру мәселелерін алға тартты.

Аудан әкімі азаматтар көтерген түйткілді мәселелерді тиісті мамандар жіті зерттейтінін, шешімі заң талаптарына сәйкес қарастырылатынын жеткізді. Кейбір сұрақтар бойынша жауапты тұлғалар сол жерде заң аясында түсіндірме беріп, шешу жолдарын ұсынды.

Қабылдауда 60 жастағы Кейден ауылының азаматы О.Жусипов Кейден ауылдық округіне жүргізілген газ құбырларына толықтай тексеру арқылы қабылдануын бақылауға алуды сұрады. Өтініш иесінің бұл мәселесі бойынша жергілікті тиісті мекемеге тапсырмалар беріліп, жұмыс жасалатындығын жеткізді.

#AMANAT