Жаңақорған аудандық сотында әкімшілік іс медиация тәртібімен тоқтатылды
Жаңақорған аудандық сотында 15 тамыз 2023 жылы азамат Ж-ға қатысты Қазақстан Республикасы ӘҚБтК-нің 73-2 бабының 1-1 бөлігімен қозғалған әкімшілік құқық бұзушылық туралы іс қаралды.
Сотта, құқық бұзушы Ж. Жаңақорған ауданы, Әбдіғаппар ауылыда, жұбайы І-ге себепсіз тиісіп, ұрып, тән ауруына ұшырататын, бiрақ денсаулыққа жеңіл зиян келтiруге әкеп соқпаған ұрып-соғу немесе өзге де күш қолдану әрекеттерін жасағаны анықталды.
Сотта қарау барысында құқық бұзушы Ж. кінәсін мойындап, жұбайы І.-ден кешірім сұрап, онымен медиация тәртібімен татуласқанын көрсетіп, өзін әкімшілік жауаптылықтан босатып, іс бойынша іс жүргізуді тоқтатуды сұрады.
Соттың қаулысымен құқық бұзушы Ж. Қазақстан Республикасы ӘҚБтК-ің 64 бабының 1 бөлігінің негізінде жәбірленушімен медиация тәртібімен татуласуына байланысты әкімшілік жауаптылықтан босатылып, құқық бұзушы Ж-ға қатысты Қазақстан Республикасы ӘҚБтК-нің 73-2 бабының 1-1 бөлігімен қозғалған әкімшілік іс өндірістен тоқтатылды.
Ақпарат: Жаңақорған аудандық сотының баспасөз қызметі
