18 жасқа дейінгі балаларға ортодонтиялық көмек МӘМС есебінен көрсетіледі
Әлеуметтік медициналық сақтандыру қорының Қызылорда облысы бойынша филиалына МӘМС жүйесіне, медициналық көмектің сапасына қатысты өзекті мәселелермен тұрғындар жүгінеді. Ерекше бақылауда – кішкентай пациенттердің құқықтарын қорғау.
ФотоҚызылорда тұрғыны Гүлжауһар Нұрекеева көмек сұрады. Немересі ерін мен таңдай жырығымен дүниеге келген. Үш айлық Айзердің ата-анасына ортодонт дәрігерінің кеңесі қажет. Алайда, тұрғылықты жері бойынша емхана дәрігерлері тиісті жолдама бермеген.
Бұл мәселені шешуге ӘМСҚ-ның облыстық филиалының мамандары қосылды. Ата-аналарға жақ-бет аймағының туа біткен патологиясы бар балаларға МӘМС қызметтерінің қандай түрлері қолжетімді екендігі түсіндірілді.
Міндетті әлеуметтік медициналық сақтандыру жүйесіне қатысты сұрақтарыңызбен мына мекен-жайға жүгіне аласыз: Қызылорда қаласы, Қазантаев көшесі, 32, байланыс телефон нөмірлері: 8 /7242/ 55 10 16, 55 10 17.
