Толассыз жаңбыр кесірі әбігерге салуда

    Толассыз жауған жауын-шашынның салдарынан Қызылорда көшелері суға толып, қатынас қиындады. Көлік түгілі жаяу жүру мүмкін емес. Тұрғындар су кешіп жүр. Олар су тартатын көлік таппай әуре-сарсаңға түсуде, деп хабарлайды "Жаңақорған тынысы" сайты qyzylordanews сайтына сілтеме жасап.
   Қызылорда қалалық тұрғын үй-коммуналдық шаруашылық, автомобиль жолдары және жолаушылар көлігі бөлімінің басшысы Жеңісбек Файзуллаевқа хабарласқан едік. Ол қазіргі таңда 14 су соратын көлік пен 7 камаз, трактор және сыпырғыш көлікті жұмылдырғанын мәлімдеді. Алайда техникалар қала көшелерін судан тазартып үлгермей жатыр.