Шекер бағасына мониторинг жүргізілді

Кеше ауданның ауылшаруашылығы бөлімі арқылы жалпы 19-түрлі әлеуметтік маңызы бар азық-түліктер тауарларының

бағасына мониторинг жасалып,оның ішінде шекер бағасына бөлек мән берілді. Жаңақорған кентінде орналасқан ірі

Заңғар,Береке,Ғани,Қарабура сауда орындарын аралағанымызда шекер бағасы 4-5 күндік бағамен,яғни 690-700 теңге көлемінде тұрғандығы

байқалды. Сонымен қатар Заңғар сауда үйінің тапсырысы бойынша бүгін Шымкент қаласынан 5 тонна шекер әкелініп әр килограмы 685

теңгеден еркін сатылуда. Дүкендерде тұтынушылар қарасы қалың, алайда шекер сөресінде кезектілікке тұру мәселесі жоқ.