«БҮКІЛХАЛЫҚТЫҚ РЕФЕРЕНДУМ МЕМЛЕКЕТІМІЗДІҢ ДАМУЫ ҮШІН МАҢЫЗДЫ ҚАДАМ»
Бүгін ҚР Парламент Мәжілісінің депутаты, «AMANAT» партиясы жанынан құрылған республикалық штабтың мүшесі Бақытбек Смағұл Жаңақорған ауданы, Ақүйік ауылдық округі, Бірлік ауылының тұрғындарына референдумның маңыздылығы мен рөлін түсіндірді. Республикалық штаб өкілдерімен бірге Облыстық маслихат депутаты Амитов Нуридин Егембердіұлы, Жаңақорған аудандық маслихат хатшысы Сопбеков Ғалымжан Жарқынбекұлы, аудандық маслихат депутаты, штаб мүшесі Ермаханова Мақпал қатысты.
Кездесуде депутаттар Конституцияға өзгерістер мен толықтырулар енгізу жөніндегі республикалық референдумның маңызы мен мақсаты туралы айтты.«Конституциялық референдум мемлекеттік басқару жүйесін өзгертіп, елдегі саяси ахуалға жаңа дем береді. Бұл «Халық үніне құлақ асатын мемлекет» идеясының нақты жүзеге асуының дәлелі.
Соңғы Жолдауда Президенттің саяси реформаларды жариялап, билік институттары арасындағы конституциялық құрылымды жетілдіруге мүдделі екенін танытты. Өзгеріс аз емес, соның бірі - Қазақстан суперпрезиденттік басқару формасынан қуатты Парламенті бар президенттік республикаға ауысуы, яғни президенттік бірқатар өкілетіктері Парламентке өтетіндігі, осынша өзгеріс елде демкоратиялық процестерді жетілдіріп, «биліктің көзі - халық» деген принципті жүзеге асыратындығы, қоғам өз өкілдері арқылы маңызды шешімдерге араласуы, ауқымды реформаларды заңмен бекіту үшін бізге референдум қажеттігін. Президент не Парламент шешетін мәселе емес, бұл - бүкілхалықтық деңгейдегі міндет екендігін жеткізді.Сонымен қатар, штаб мүшелері ауыл тұрғындары тарапынан айтылған ұсыныстары мен сауалдарын тыңдады.
Мәжіліс депутаты қойылған сауалдарға тиісінше жауап беріп, ұсыныстарды қабылдап, ауыл азаматтарын Президентіміз ұсынған оң өзгерістер мен реформалардың іске асуына және жалпыұлттық референдумды қолдауға шақырды. #ReferendumAMANAT
