Аудан әкімдігінің үлкен мәжіліс залында Әдеп нормаларын сақтау, мемлекеттік қызметті өткеру және сыбайлас жемқорлықтың алдын алу мақсатында семинар өтті.

Семинарға аудан әкімі аппаратының басшысы, Әдеп жөніндегі уәкіл Б.Ахметов, облыс әкімі аппаратының Әдеп жөніндегі уәкілі Х.Тарбақов және аудандағы бөлім басшылары мен мамандары, кент және ауылдық округ әкімдері, мемлекеттік қызметшілер қатысты.
Күн тәртібіндегі мәселе бойынша әдеп жөніндегі уәкіл, аудан әкімі аппаратының басшысы Б.Ахметов семинарды ашып, күн тәртібіндегі мәселемен таныстырды.

Облыс әкімі аппаратының Әдеп жөніндегі уәкілі Х.Тарбақов Әдеп кодексінің талаптары, мемлекеттік қызметшілер тарапынан мемлекеттік қызметте өзара қарым-қатынастың жоғары мәдениетін қалыптастыру және мемлекеттік қызметшілердің әдепсіз мінез-құлық жағдайларының алдын алу мақсатында және  сыбайлас жемқорлыққа қарсы іс-қимыл және әдеп кодексінің талаптарын жете меңгеру бағытында баяндама жасап, түсіндірме жұмыстарын жүргізді.

Сонымен қатар, Х.Тарбақов сыбайлас жемқорлықтың алдын алу бойынша өзіндік ой-пікірлерін ортаға салып, мемлекеттік қызметшілерді жұмысын жауапкершілікпен атқаруға шақырды.
Семинар соңынан осы бағыттағы жұмыстарды жалғастыру, түсіндірме жұмыстарын жүргізу, Әдеп кодексі талаптарын сақтау қажеттілігі жөнінде тиісті сала басшылары мен ауылдық округ әкімдеріне тапсырмалар берілді.