Татуласумен іс тоқтатылды

Жаңақорған аудандық сотында азаматтық іс татуласу бойынша тоқтатылды. Талап қоюшы «Қызылорда» «өңірлік инвестициялық орталығы Микроқаржылық ұйымы» ЖШС-нің жауапкер Т-дан кепілге салынған мүліктен өндіріп алу туралы талап қою арызы тіркелген.
Істі қарау барысында судья тараптарға дауды бейбіт жолмен реттеу мүмкіндігін, татуласу рәсімдерін жүргізудің тиімділігі мен құқықтық салдарын түсіндірді.
Өз кезегінде тараптар дауды татуласу келісімін жасауға ниеттері барын жеткізді. Сот отырысында судья тараптардың татуласу келісімін бекіту туралы өтінішхатын қарап, олармен жасалған татуласу келісімін зерделеп, оның заң талаптарына қайшы келмейтінін және басқа тұлғалардың құқықтары мен заңды мүдделерін бұзбайтынын анықтап, татуласу келісімін бекітіп, аталған іс бойынша іс жүргізу тоқтатылды.

Айқыз НЫСАНБАЕВА,
Жаңақорған аудандық
сотының бас маманы