Қазақстанда енгізілген төтенше жағдай режиміне дейін жұмыс берушімен қағаз жүзінде ешбір келісім-шарт жасаспай жұмыс істеген азаматтар да бірыңғай төлем алуына болады. Бұл туралы Еңбек және халықты әлеуметтік қорғау министрі Біржан Нұрымбетов онлайн брифингте мәлімдеді.

«Бұл үшін адамның соңғы бір жылда Әлеуметтік сақтандыру қорына кемінде бір төлеген әлеуметтік төлемі болуы немесе оның Бірыңғай зейнетақы қорына соңғы бір жылда кемінде бір рет аударған төлемі болуы тиіс. Алайда егер азамат мұндай төлем түрін бір де бір рет жасамаған болса, бұл жағдайда бірыңғай жиынтық төлем (қысқаша БЖТ - ред.) төлеуі қажет. Бұл үшін қалалық жер тұрғындары "ESP қала" смс-ін 5505 номеріне жіберіп, 2651 теңге төлейді, ал ауыл тұрғындары үшін "ESP ауыл" смс-ін5505 номеріне жібереді».

24.kz