Төтенше жағдайға байланысты тәртіпті бұзған тағы бір азамат әкімшілік қамаққа алынды

Жаңақорған аудандық сотында Қазақстан Республикасының ӘҚБтК-нің 476-бабының 3-тармақшасында көзделген құқық бұзушылықты жасаған азамат И-ның әкімшілік ісі қаралды.
Іс құжаттарына сәйкес, Жаңақорған кентінде азамат И. 2020 жылғы 28 наурыз 01 сағат 30 минут шамасында Иманов көшесінің бойында орналасқан ғимараттың бір бөлмесін жалға алып «Ай-Ару» аудио-бейне жазба студиясын ашып, жасырын «PS-4» ойынын ойнатып, аталған ғимараттың жалға алушы ретінде қылмыстық жазаланатын іс-әрекет белгілерінсіз төтенше жағдайдың жариялануына байланысты мемлекеттiк орган белгiлеген режимдi бұзып, заңсыз «PS-4» ойынын ойнатуға жол бергені анықталған.
Сот қаулысымен И. Қазақстан Республикасының ӘҚБтК-нің 476-бабының 3-тармақшасымен кінәлі деп танылып, оған 7 тәулікке әкімшілік қамаққа алынды.
Қаулы заңды күшіне енген жоқ.

Ақпарат: Жаңақорған аудандық сотының баспасөз қызметі