Ізгі шараның берері мол

Қазақстан Республикасы Білім және ғылым министрілігінң 16.01.2020 жылғы №01-15-5-12/258-И санды хатына сәйкес, 2020 жылдың 3-12 ақпан аралығында өткізілген дәстүрлі «Өзін-өзі тану: Махаббат пен Шығармашылық педагогикасы» тақырыбындағы онкүндік аясында 7-9 сынып оқушыларына арналған «Ізгілік-өмір нәрі» тақырыбында фестиваль болып өтті.

Шараның басты мақсаты жастар мен жасөспірімдердің әлеуметтік белсенділігін дамыту, оқушылардың жоғары адамгершілік қасиеттерін қалыптастыру, оқушылардың өзіндік әлеуметтік бағытталған іс-әрекетінің іскерліктері мен дағдыларын қалыптастыру болып табылады.

Фестивальге барлық аудан, қала мектептерінен, облыстық білім беру мекемелерінің оқушылары қатысты. Оқушылардың жұмысын бағалауға Облыстық білім басқармасының «Тәрбие және өзін-өзі тану» бөлімінің маманы А.Жаңабергенова, «Өрлеу» АҚ педагог қызметкерлердің біліктілігін арттыру институтының аға тренері Ж.Ахметова, облыстық оқу орталығының әдіскері Ж.Сыздықова қатысты.

Кеш қорытындысы бойынша І орынды Қазалы ауданының №104, №216 орта мектеп оқушылары, ІІ орынды Арал ауданы №220 орта мектеп пен Қармақшы ауданы №26 орта мектеп, ІІІ орынды Қызылорда қаласы №1,№140 мектеп пен ІІІ орынды Жалағаш ауданы №188 орта мектеп оқушылары бөлісті. Қатысушыларға оқу орталығының сертификаттары табысталды.