Димаш Құдайберген есімі жазылған ғарыш кемесі ұшты

Димаш Құдайбергеннің аты жазылған чип-талон Марсқа аттанды.

Әншінің тыңдармандары «Send Your Name to Mars” акциясы аясында оның атын талонға жазып, Nasa-ның Марсқа ұшатын Perseverance ғарыш кемесіне орналастырған. Ғарыш кемесі Флоридадағы Кеннеди ғарыш орталығынан 30 шілде күні таңғы сағат 7:50 аттанып кетті. Димашпен бірге есімі ғарышқа аттанғандар арасында Голливуд жұлдызы Бред Питт бар екені белгілі. Әншінің есімін ғарышқа жіберу туралы өтініштер АҚШ, Түркия, Ресей сынды елдерден келіп түскен.
«Мені әрдайым қолдап жүретін тыңдармандарға мың алғыс», — деп жазды Димаш Instagram парақшасына.