СҰЛУЛЫҒЫМЕН ӘЛЕМДІ ТАҢҒАЛДЫРҒАН ҚАЗАҚ ҚЫЗЫ КІМ?

Қазақстандық джиу-джитсушы Гулжан Накипова әлемнің ең тартымды спортшыларының қатарына енді, деп жазады Prosports.kz сайты. 
26-жастағы Гулжан Накипова Instagram желісінің белсенді қолданушысы. Әлеуметтік желідегі парақшасына жаттығудан қажетті видеолар мен кеңестерді салып отырады. 
Өткен жылы Гулжан джиу-джитсудан бүкіләлемдік фестивальда топ жарған. Сондай-ақ әлем чемпионатында үздік үштікке кірген. Ол Қазақстанның бірнеше дүркін чемпионы және Ұлттық құраманың мүшесі. 
Дегенмен Гулжан тек спорттан бөлек істермен де шұғылданады. Мысалы, студенттерді шетелдік жоғары орындарына түсіретін агенттігін басқарады. Бес тілді меңгерген спортшы әнді де жақсы айтады.
Бір сөзбен айтқанда бойында бірнеше қасиет дарыған қазақтың қара көзіне әлем жұрты таңдана қарады. Иә, қазақ қыздары қашан да сұлу ғой...