Американың Хьюстон қаласында 10 жасар Дэвид пен 12 жасар Зах Тэннерлер лимонад сатып тапқан ақшаларына жаңадан салынып жатқан тұрғын үйден пәтер сатып алды, деп жазады Stan.kz ақпараттық агенттігі.Дэвид пен Зак бизнеспен айналысуды жеті жыл бұрын бастаған. Олар 7 жыл бұрын өздері тұратын ауданында үйде жасалынған лимонадты сатып, өз кәсіптерін ашты. Ағайынды балалардың кәсібі табысты болып, олар көп ұзамай жүздеген доллар таба бастады.
Осы жасында бизнеспен айналысып жүрген балалар еңбекқорлықты әкелерінен үйренген. Қазір олар Австралияның Сидней қаласында танымал «Бай әке, кедей әке» кітабының авторы Роберт Кийосакидің үйінде қонақта жүр. Ағайындылар оны рухани және іскерлік тәлімгер деп атайды. Олардың әкесі Энди Тэннер ұлдарының ерекше дарынды қасиеті жоқ екенін айтты. Бірақ, балалары әрдайым инвестицияға қызығушылық танытып жүрген.
«Мен инвестиция жасағанды ұнатамын. Маған жұмыс істемей ақша тапқан ұнайды», – дейді 12 жастағы Зак.