ӘЛЕМДЕГІ ЕҢ ҚЫМБАТ ҚАЛАЛАР

Prices and Earnings зерттеуі бойынша дүниежүзінің ең қымбат қалаларының рейтингі жарияланды. Тізімге әлемдегі 77 ірі қала іліккен. 2018 жылдың қаңтары мен сәуір айларының арасында өткізілген сынақ барысында әр қаладағы 128 түрлі тауардың бағасы, 15 түрлі мамандық бойынша тұрғындардың орташа табысы, ай-сайынғы шығындардың ортақ сомасы және жұмыс уақыты ескерілді. 77 қаланың ішінен бірінші және екінші орынға Швейцарияның екі бірдей қаласы Цюрих және Женева жайғасты. Ал тізімнің соңғы қатарына Каир және Лагос ілікті. Бұл қалаларда өмір сүру үшін айына $1272, $1493 ақша болса жеткілікті.
Сонымен, назарларыңызда әлемнің ең қымбат 15 қаласы: 
Цюрих — $4260; 
Женева — $4165; 
Осло — $3958; 
Копенгаген — $3897; 
Нью-Йорк — $3673; 
Токио — $3654; 
Милан — $3505; 
Лондон — $3411; 
Чикаго — $3405; 
Хельсинки — $3370;
Сидней — $3353; 
Париж — $3351; 
Окленд — $3280; 
Стокгольм — $3270; 
Люксембург — $3270.