Ғалымдар: әлем бойынша коронавирустың алты түрі тарап жатыр

АҚШ ғалымдары қазір әлемде коронавирустың алты түрі тарап жатқанын анықтады, – деп хабарлайды Tengrinews.kz тілшісі.

Ғалымдар COVID-19-дың 10,4 мың үлгісін зерттеуге алып, оларды топтастыра бастаған. Зерттеудің бұл әдісі барлық генетикалық мәліметті санап, коронавирустың түрлерін анықтауға бағытталған екен.
Осылайша, америкалық зерттеушілер коронавирустың бірнеше түрі бар екенін анықтап отыр. Олардың айтуынша, АҚШ-та СС256 және CC258 вирустары кеңінен таралса, Еуропада СС70 және CC225 коронавирус түрлері тараған. Ал Оңтүстік Америкада CC300 вирусы тарап жатыр екен.