ТАЛ БЕСІК
Нарайдың інісі Сыздықың да шаппа-шап айысқа бейімі болса керек. Бірде ауылдық кеңестен анықтама алайын деп кеңсеге келсе, төрайым Несіп түскі үзіліске шыққалы есікті жауып жатыр екен. Оның жанындағы күйеуі, «Жұмысын тындыра сал, бұл бір қырсық шал» дейді. Сонда келген кісіге кекесінмен қараған ауылкеңес Несіп;
-Әкеміз жасайды екен талдан бесік,
Қойыпы атымызды біздің Несіп.
Бұ шалың қырсыққанда нетер дейсің,
Әуелі пайғамбарым қойған кесіп,-
Депті, Сонда Сыздық іле-шала былай жауап беріпті:
-Әкеңіз жасайды екен талдан бесік,
Қойыпты атыңызды Сіздің Несіп.
Пайғамбар олақықпен ойып алып,
Қойыпы кескен жердің түбін есіп.
Нұрмахан Елтай.
