Қазақстандықтар 5 мың теңгеге ұшаққа билет сатып алатын болды

"FlyArystan" бюджеттік әуе компаниясы кейбір бағыттарға билет құнын жария етті деп хабарлайды NUR.KZ сайтына сілтеме жасап "Жаңақорған тынысы" газеті.
Аталған компанияның Instagram желісіндегі парақшасында жарияланған ақпаратқа сәйкес, ұшу ұзақтығы 1 сағатты құрайтын Тараз бен Алматы арасындағы рейске билетті бар болғаны 5 мың теңгеге сатып алуға болады.
"Жақындарыңызға енді әр апта сайын ұшуға болады. Бір жақты билет құны небәрі 4 999 теңгеден басталады", - делінген жазбада.
Сондай-ақ, Орал мен Алматы бағытындағы рейске билет құны 12 999 теңгеден басталатындығын хабарланды.
Айта кетейік, билеттерді flyarystan.com сайтында арзанырақ сатып алуға болады.