Президент: Ұстазды ұлықтаған елдің келешегі жарқын болары айдан анық

Мемлекет басшысы Қасым-Жомарт Тоқаев Республикалық тамыз конференциясының пленарлық отырысында осылай деді.

Президент ұстаздар қауымын дәстүрлі Тамыз конференциясының ашылуымен құттықтады.
«Бүгінгі жиынға Қазақстанның барлық аймағынан ұлағатты ұстаздар арнайы келіп отыр. Мықты мұғалім – сапалы ұлттың тірегі, бұл – нағыз ақиқат. Ұстазды ұлықтаған елдің келешегі жарқын болары айдан анық. Сіздер жас буынға терең білім беріп, саналы, озық ойлы және отаншыл ұрпақ тәрбиелеуге зор еңбек сіңіріп жүрсіздер. Осылайша, бәсекеге қабілетті ұлт қалыптастыруға атсалысып келесіздер», - деді жиында Мемлекет басшысы.