Учаскелік комиссиялар дауыс беру процесін ұйымдастырып, референдумға қатысушылармен жұмыс жүргізуде
Бүгін өтіп жатқан республикалық референдум барысында учаскелік комиссия мүшелері дауыс беру процесінің ашық әрі заң талаптарына сай өтуін қамтамасыз етуде. Олар сайлау учаскелерінде тұрғындарды қарсы алып, дауыс беру тәртібін түсіндірумен қатар, референдумға қатысушыларға қажетті бағыт-бағдар беріп, ұйымдастыру жұмыстарын жүргізуде.
Аудан бойынша барлығы 42 сайлау учаскесі жұмыс істеуде. Жалпы 46 073 сайлаушы тіркелген. Дауыс беру барысының ашық әрі әділ өтуін 228 байқаушы бақылап отыр.
Учаскелік комиссия мүшелері азаматтардың еркін таңдау жасауына барлық жағдай жасап, дауыс беру барысының заң талаптарына сай ұйымдастырылуын қамтамасыз етуде. Аудан тұрғындары да маңызды саяси науқаннан қалыс қалмай, белсенді түрде қатысып, ел болашағына өз үлестерін қосуда.
