ЖАҢА КОНСТИТУЦИЯ ЖОБАСЫ ЖУРНАЛИСТЕР МЕН ЖАСТАР АРАСЫНДА ТАЛҚЫЛАНДЫ

Қазақстан Республикасы Конституциясының жаңа жобасын талқылау мақсатында Руханият орталығында “Жаңақорған тынысы” газетінің тілшілері мен белсенді жастардың қатысуымен дөңгелек үстел өтті.

Басқосуға аудандық қоғамдық штаб мүшелері Баян Үсейінова және Наурызбай Орынбасаров қатысты. Онда жаңа Конституция жобасының негізгі бағыттары жан-жақты түсіндірілді.

Сондай-ақ, жаңа жобада азаматтардың құқықтары мен бостандықтарын қорғау, әлеуметтік кепілдіктерді нығайту және заң үстемдігін қамтамасыз ету басты басымдықтардың бірі екені айтылды.

Кездесу барысында қатысушылар өз пікірлерін білдіріп, ұсыныстарын ортаға салды.