Цифрлық қауіпсіздік – жаңа Конституцияда

ҚР Парламенті Мәжілісінің депутаты Нұртай Сабильянов жаңа Конституция жобасының цифрлық қауіпсіздікке қатысты маңызды тұстарына тоқталды. Ол қазіргі заманда ақпараттық технологиялардың қарқынды дамуы азаматтардың жеке деректерін қорғауды, олардың цифрлық құқықтары мен қауіпсіздігін қамтамасыз етуді бұрынғыдан да өзекті ететінін атап өтті.
Депутаттың айтуынша, жаңа Ата заңда цифрлық қауіпсіздік пен ақпараттық құқықтарды сақтау нақты заңдық деңгейде бекітіледі. Бұл – азаматтардың жеке деректеріне қол сұғылмауын, олардың онлайн қызметтер мен цифрлық платформаларды қауіпсіз пайдалануы үшін берік құқықтық негіз құруға бағытталған.
Сонымен қатар, жаңа Конституция цифрлық технологияларды қолдануда қоғам мен мемлекеттің өзара жауапкершілігін күшейтеді, азаматтардың ақпаратқа қол жеткізу құқықтарын қорғауға мүмкіндік береді. Бұл өзгерістер – цифрлық дәуірде Қазақстан азаматтарының құқықтарын қорғаудың жаңа сапасы.
Жаңа Ата заң цифрлық қауіпсіздік пен азаматтардың деректерін қорғау саласында мемлекеттің міндетін нақтылай отырып, заманауи қоғамдағы құқықтық қорғаныстың сенімді кепілі болады.