АУДАН ӘКІМІ ПАРТИЯ ФИЛИАЛЫНДА ҚАБЫЛДАУ ӨТКІЗДІ

Бүгін аудан әкімі Самитов Мажит Самитұлы «AMANAT» партиясы Жаңақорған аудандық филиалының ғимаратында азаматтардың жеке мәселелері бойынша қоғамдық қабылдау өткізді.

Қабылдауға келген тұрғындар тұрақты жұмысқа орналасу, әлеуметтік қолдау шараларына қатысты ұсыныс-пікірлерін ортаға салды.

Аудан әкімі әрбір азаматтың өтініші назардан тыс қалмай, тиісті сала басшыларымен бірлесіп, әр сұрақты жеке зерделеді. Азаматтардың кейбір сұрақтары сол сәтте заң аясында түсіндіріліп, нақты жауаптар берілді. Ал күрделі мәселелер бойынша аудан әкімі тұрғындардың ұсыныстарын назарға алып, қажетті жұмыстар жүргізілетінін жеткізді.