«БІРЛІК» БАСТАУЫШ ПАРТИЯ ҰЙЫМЫНЫҢ ЖИНАЛЫСЫ ӨТТІ

Бүгін «AMANAT» партиясы Жаңақорған аудандық филиалы жанындағы «БІРЛІК» бастауыш партия ұйымының жиналысы өтті. Жиналысты “БІРЛІК” бастауыш партия ұйымының төрайымы Момынханова Гүлбану Жамалқызы ашып жүргізді.
Жиын барысында елдегі қоғамдық-саяси жаңашылдықтар мен партия қызметіндегі өзекті бағыттар туралы кеңінен сөз болды. Сондай-ақ алдағы уақытта өтетін аудандық партия филиалының конференциясына делегаттар сайлау мәселесі талқыланды.
Партия қатарындағы әрбір мүшенің белсенділігі мен бастамашылдығы – ортақ мақсаттарға жетудің басты кепілі. Осындай мазмұнды кездесулер партия ұйымдарының жұмысын жандандырып, ел мүддесіне қызмет етуге жаңа серпін беретіні сөзсіз.