МЕМЛЕКЕТТІК РӘМІЗДЕР КҮНІ АЯСЫНДА ПАТРИОТТЫҚ ШЕРУ ӨТТІ

Жаңақорған ауданында Мемлекеттік рәміздер күніне орай патриоттық шеру ұйымдастырылды. Шараның басты мақсаты — елдік рухты көтеру, мемлекеттік рәміздерге деген құрметті арттыру және жастар арасында отансүйгіштік сезімді қалыптастыру.

Салтанатты шарада халықаралық және республикалық жарыстарда топ жарған ауданның мақтаныштары мен жалынды жастары көк туымызды көкке көтеріп, орталық көшелермен салтанатты шеру жасап өтті.

Жаңақорғандықтар бұл шеруді ел бірлігін көрсететін маңызды рухани оқиға ретінде қабылдап, мемлекеттік рәміздерге деген құрметтерін тағы бір мәрте паш етті.