ПАРТИЯЛЫҚ БАҚЫЛАУ КОМИССИЯСЫНЫҢ КЕЗЕКТІ ОТЫРЫСЫ
«AMANAT» партиясы Жаңақорған аудандық филиалы жанындағы партиялық бақылау комиссиясы мен фракция отырысының бірлескен кезекті отырысы өтті.
Аудандық «Руханият орталығында» өткен отырысты комиссия төрағасы Турабаев Қалдарбек Айдарұлы жүргізді. Отырыстың күн тәртібіндегі мәселелер бойынша Ұлы Отан соғысындағы Жеңістің 80 жылдығына орай ардагерлерге көрсетілетін әлеуметтік қолдаулар мен көмектер туралы аудандық жұмыспен қамту және әлеуметтк қамсыздандыру бөлімінің маманы Айгерім Медетбекқызының, «АртСпорт» бағдарламасының ауданда іске асырылу барысы бойынша аудандық дене тәрбиесі, спорт және туризм бөлімінің басшысы Махмут Секентайұлының, «Ауыл аманаты» жобасының іске асырылу барысы туралы аудандық кәсіпкерлік бөлімінің басшысы м.а. Алмат Бақытұлының хабарламалары тыңдалды.
Күн тәртібіндегі мәселелер жеке-жеке талқыланып, жиын барысында айтылған ұсыныстар хаттамаланып, алдағы уақытта тиісті жұмыстар атқарылатын болды.
