Ауыл тұрғындарының кірістерін арттыру – «Ауыл аманаты» жобасы

Ауылды дамыту мәселелері Мемлекет басшысының ерекше бақылауында. Осыған байланысты «AMANAT» партиясы «Ауыл аманаты» жобасын әзірледі. Ол қоғамда кең қолдауға ие болып, ауылды дамытудың жаңа драйверіне айналды.
«Ауыл аманаты» – бұл Президенттің сайлауалды бағдарламасында бекітілген бірегей жоба. Ол ауыл тұрғындарының кіріс деңгейін арттырудың нақты және түсінікті механизмдерін қарастырады.
Жалпы алғанда, 2029 жылға дейін бұл жоба 1 млн ауыл тұрғындарын қамтып, 350 мың жаңа жұмыс орындарын құруды жоспарлап отыр. Ел тарихында алғаш рет осы мақсаттарға қомақты сома – 1 трлн теңге бөлінді.
Әрбір ниет білдіруші жылдық 2,5% мөлшерлемемен 2500 АЕК-ке дейін жеңілдетілген несие ала алады. Толық ақпаратты өңірдегі әлеуметтік-кәсіпкерлік корпорациясынан білуге болады.