Kyzylorda-news.kz. Мемлекет басшысы Қ.К.Тоқаевтың тапсырмасымен халықтың табысын арттыруға бағытталған «Ауыл аманаты» жобасы іске асырылуда.


«Ауыл аманаты» жобасының басты мақсаты – ауылдық жерлердегі халықтың табысын арттыру. Бағдарлама 2023-2025 жылдарға арналған. Жобасы аясында ауыл тұрғындары өз бизнесін дамытуға немесе кооператив құрамында жеңілдетілген несие алуға мүмкіндігі бар. Сондай-ақ техниканы лизингке рәсімдеуге болады. Бағдарлама адамдардың тұрақты табыс жолына түсуіне бағытталған.
Кеше аумақтық партия филиалдарында «Ауыл Аманаты» жобасын кеңінген таныстыру бойынша «Ашық есік» күні ұйымдастырылды.
Ашық есік күніне кәсіпкерлік, өнеркәсіп және туризм, аудандық ауыл шаруашылығы және жер қатынастары бөлімдерінің, аудандық кәсіпкерлік палатасының өкілдері қатысып, жобаның бағыттары бойынша кеңестер берді.
«Ауыл аманаты» жобасын ауыл тұрғындарына толық ақпараттандыру бағытындағы жұмыстар алдағы уақытта да өз жалғасын табатын болады.