Жемқорлықпен жұмыла күрессек

Қазіргі қоғамның айықпас дертіне айналған сы­байластық індетімен күрес қарқынды жүргізілуде. Әсіресе мемлекеттік қызмет саласында осы мәселе өте өзекті талқылауда тұр. Мемлекет басшысы Қасым-Жомарт Тоқаев та осы жолда нақты міндеттер жүктеп, барлық саланы реттеуді тапсырды.

– Жемқорлық әрекеті үшін сотталған азаматтарды шартты түрде мерзімінен бұрын босатуға тыйым салынды. Соттарға, құқық қорғау қызметкерлеріне, пара бергендерге және делдалдарға қатаң жаза қолданылатын болды. Былтырдан бері жалпыға бірдей салық декларациясын тапсыруды бастадық. Осы және басқа да шаралар айтарлықтай нәтиже бе­ріп, жемқорлық деңгейі төмендеді. Дегенмен, түбегей­лі өзгеріс әкелген жоқ. Мұны ашық айтуымыз керек. Азаматтарымыз әлі де күнделікті өмірде сыбайлас жемқорлық жағдайларымен бетпе-бет келуде, – деді Президент кезекті бір кеңес отырысында.
Мемлекет басшысы сыбайлас жемқорлықпен ымырасыз күресу мемлекеттік саясаттағы негізгі басымдықтың бірі екенін атап өтті. Оның пікірінше, заң үстемдігін орнатып, нағыз құқықтық мемлекет құру үшін, ең алдымен, жемқорлықтың тамырына балта шабу керектігін баса айтты. Сондай-ақ әр салаға қатысты сауалдарды сап түзеп, түйіндеді.
Сыбайлас жемқорлыққа қарсы мәдениетті қалып­тастыру – сыбайлас жемқорлыққа қарсы іс-қимыл субъектілерінің қоғамда сыбайлас жемқорлыққа төзбеушілікті көрсететін құндылықтар жүйесін сақтау және нығайту бойынша өз құзыреті шегінде жүзеге асыратын қызметі. Сыбайлас жемқорлыққа қарсы мәдениетті қалыптастыру білім беру, ақпараттық және ұйымдастырушылық сипаттағы шаралар кешені арқылы жүзеге асырылады.
Біздің қоғамда сыбайлас жемқорлыққа орын жоқ. Қоғамның барлық күш-жігерін біріктіріп, осы дерттің одан әрі дамымауы үшін оны тоқтатудың барлық амалдарын қолдану арқылы ғана бұл құбылысқа қарсы тұруға болады.
Қазақстанның 2015-2025 жылдарға арналған Сыбайлас жемқорлыққа қарсы он жылдық стратегиясы да қабылданды. Стратегияның мақсаты-мемлекеттің сыбайлас жемқорлыққа қарсы саясатының тиімділігін арттыру, сыбайлас жемқорлықтың кез келген көрінісіне «мүлдем төзбеушілік» ахуалын жасау арқылы сыбайлас жемқорлыққа қарсы қозғалысқа бүкіл қоғамды тарту және Қазақстанда сыбайлас жемқорлық деңгейін төмендету болып табылады.
Осы тақырып аясында кез келген сала жемқорлық дертімен күрес жүргізуде. Біздің Қазынашылық басқармасында да жиі-жиі жиналыстар өтіп, түсіндірме жұмыстары жүргізіледі.

Азамат БЕГАЙДАРОВ,
аудандық қазынашылық басқармасының
бас маманы-бас қазынашысы