Қызылорда облысында 19 әлеуметтік нысанның құрылысы жүріп жатыр

ҚР Президенті жанындағы Орталық коммуникациялар қызметінде өтіп жатқан брифингте Қызылорда облысының әкімі Қуанышбек Ысқақов өңірде әлеуметтік салаға баса көңіл бөлініп жатқандығын жеткізді.

«Әрине, экономиканы әртараптандыруға және инженерлік инфрақұрылымды дамытуға баса назар аудара отырып, біз әлеуметтік салаға баса көңіл бөлудеміз», – деді аймақ басшысы брифингте.

Аймақ басшысының айтуынша, облыста биылдың өзінде 19 әлеуметтік нысанның құрылысы жүргізіліп жатыр. Оның 9-ы білім беру, 4-і денсаулық сақтау, 3-і мәдениет, 2-і спорт саласына тиісті.

«Оның 6-ы пайдалануға берілді, тағы 4-і осы жылдың соңына дейін берілетін болады, қалғандарын 2020 жылы іске қосамыз», дейді облыс әкімі Қ.Ысқақов.