Ұлы даланың жеті қыры насихатталды
Елбасының "Ұлы даланың жеті қыры" атты стратегиялық мақаласы барша болмысымыз бен қадір-қасиетімізге нəр беріп, кемел келешегіміздің бағыт- бағдарын айқындап берді. Өткенді мақтан тұтып, өз-өзіне сенімді ұрпақ тəрбиелеуде мұның бəрі бағдаршам болатын құндылықтар.
Осы философиялық бағдарламаны дəріптеу аясында Қостанай қаласында "Ұлы Даланың жеті қыры: қазақстандық қоғамның рухани дамуындағы кітапханалардың рөлі" тақырыбында халықаралық ғылыми-тәжірибелік конференция ұйымдастырылды. Конференцияда Жаңақорған аудандық кітапхананың директоры Әсем Тілеубергенова "Жаңару үдерісі-балалар кітапханасында" атты баяндама жасады. Əрбір болашақ ұрпақты өз ұлтының мəдениетін, əдебиетін, тарихын, ұлттық құндылығын қастерлеп, оның болашағының дамуына өз үлесін қосуына тəрбиелеуді мақсат тұтқан ауқымды, маңызы зор іс- шараға ауданымыздан қатысу біз үшін үлкен мəртебе. Бұл- тарихқа деген дұрыс ұстаным.
