ДӘУЛЕТ ПАРАДЗЮДОДАН ЧЕМПИОН АТАНДЫ
Жапония астанасы Токиода парадзюдодан халықаралық турнир өтті. Қазақстандық дзюдошы Дәулет Теміржан 81 келіге дейінгі салмақта күресіп, жарыс жеңімпазы атанды.
Отандасымыз бірінші кездесуінде Ұлыбритания спортшысы Бредли Камеронды иппонмен жеңді. Жартылай финалда Ұлыбританиялық қарсыласы Пауел Даниелді вазаримен ұтып финалға шықты. Жарыстың ақтық кездесуінде Әлем чемпионатының қола жүлдегері француз Петит Нацанды қылқындыру әдісімен ұтып, жарыстың алтын жүлдесіне ие болды.
Айта кетерлігі, аталмыш жарыста Қазақстанмен қатар 15 елдің дзюдошылары бақ сынады.
