РОНАЛДУ РЕКОРД ЖАСАУДАН ЖАЛЫҒАР ЕМЕС

Иә, Роналду «Ювентустың» 61 жыл бұрынғы рекордын қайталады. «Ювентустың» португалиялық шабуылшысы Криштиану Роналду Италия чемпионатының 14-турында «Фиорентиноға» қарсы матчта гол соғып, оның командасы 3:0 есебімен жеңді. 

Соның арқасында форвард А сериясындағы 10-шы голын еншісіне жазды. Роналду клубтың алғашқы 14 матчында 10 гол соққан «Ювентустың» соңғы 61 жылдағы алғашқы жаңа ойыншысы атанып отыр. Соңғы рет мұндай жетістікке 1957/58 жылғы маусымда Джон Чарльз қол жеткізген болатын. Криш бұған дейін Реалда 9 маусым өнер көрсетіп барлық рекордты жаңартып үлгерген болатын.  Ендігі кезек италиялық клубқа келді.
Айта кетейік, Роналду ұлттық чемпионаттан бөлек, Чемпиондар лигасында бір гол соқты. Бұл гол оны басты қарсыласы Мессиден озып кетуіне септігін тигізді. Қазір клуб өз тобында көш бастап тұр.Олар осы қарқынды ұстап тұра алса, онда клубтар арасындағы басты жүлдені еншілеуде ғажап емес. Криштианудың туриндік клубқа ауысының басты себебі де осы емес пе?!