Ойын кезінде анасының көз жұмғанын естіген футболшыны барша стадион қолдады

   Аргентина мен Ирак футбол құрамаларының арасындағы жолдастық кездесу кезінде жартылай қорғаушы Башар Ресен анасының қазасы жайында суыт хабар алды деп жазадыeurosport.ru сайтына сілтеме жасаған NUR.KZ

Ирак пен Аргентина құрама командаларының арасында жолдастық кездесу өтіп, Ирак командасы 0:4 есебімен жеңілді.
Ирак құрамасының 21 жастағы жартылай қорғаушысы Башар Ресен үшін бұл өте ауыр күн болды.

Ойынның 70-ші минутында ер азаматқа анасының қайтыс болғаны жайлы қаралы хабарды естірткен. Құраманың басшылығы футболшыны ауыстырып, ол дереу ауруханаға кетіпті.

Ресен алаңнан кетіп бара жатқанда екі құраманың жанкүйерлері оған қолдау көрсетті.
Башар Иранның жоғарғы лигасында "Персеполис" клубы үшін ойнайды.
ФИФА рейтингінде Ирак құрамасы 89-шы орында орналасқан.