Әмір Маймұратов Париж олимпиадасынан кейінгі алғашқы жарысына қатысты

Спорттық жартасқа өрмелеуден Париж олимпиадасының қатысушысы Әмір Маймұратов жазғы олимпиада ойындарынан кейінгі алғашқы жарысына қатысып, үздіктер қатарынан көрінді. 

Спорттық жартасқа өрмелеуден Қазақстан құрамасының көшбасшысы Әмір Маймұратов Сеулде өтіп жатқан Әлем кубогі кезеңінде күміс жүлдеге ие болды. Отандасымыз "жылдамдық" бойынша жарыстың финалына өтіп, бірінші орын үшін қытайлық спортшы СиньШань Ванмен жарысты. Дегенмен ол қарсыласынан жеңіліп, күмісті місе тұтты. Ал үшінші орын Индонезиядан келген Киромал Катибинге бұйырды.
Айта кетейік, Әмір Маймұратов Париж олимпиадасында рекорд жаңартып, жарысты ширек финалдан аяқтаған еді.