ЕУРО-2020: Ресей жарысты жеңіліспен бастады

Бельгия құрамасы Еуропаға жорығын жеңіспен бастады. Олар алғашқы ойында Ресей құрамасын жеңіп, 3 ұпайға қол жеткізді. Аталған матч Ресейдің Санкт-Петербург қаласында өтті. Ойын барысында қос құраманың алма-кезек шабуылы көзге түсті. 

Бельгиялық құрама сапынан Ромелу Лукаку 10-минутта есеп ашса, 34-минутта Тома Мёнье есепті үстемелей түсті.

Екінші кезеңде ресейлік футболшылар алға қарай ұмтылды. Оған бельгиялықтар өз деңгейінде қарсылық көрсетті. Кейбір сәттерде олар да басымдығын арттырды. Ромело Лукаку 88-минутта тағы бір мәрте мергендік танытып, кездесудің нүктесін қойды. Осылайша Бельгия қарсыласынан 3:0 есебімен басым түсті.