66 жыл өзгермеген рекорд жаңарды

Туриндік «Ювентус» пен Португалия құрамасының шабуылшысы Криштиану Роналду футбол тарихындағы ең үздік бомбардир атанып, карьерасындағы голдар саны бойынша абсолютті әлемдік рекордты жаңартты. Бұл футбол тарихындағы ең үздік көрсеткіш. Бұл туралы Роналду жазылушыларына қуанышты жаңалықты Instagram желісіндегі парақшасында  жеткізді. 
Кеше Италия Суперкубогы үшін «Наполимен» өткен матчта Роналду карьерасындағы 760-шы гол соғып, футбол тарихындағы ең үздік бомбардир атанды. Бұған дейінгі әлемдік рекорд Чех Джозеф Бицанға тиесілі еді. Ол 1931 жылдан 1955 жылға дейін 759 гол соққан. Оның кәсіби мансабы әлі аяқталған жоқ.
Айта кетейік, «Ювентус» 2:0 есебімен жеңіске жетіп, Италия Суперкубогын рекордтық тоғызыншы рет жеңіп алды.