ҰБТ жауабын сатқандарға қандай жаза қолданылады? Министр жауап берді

Үкімет Үйінің баспасөз орталығында ҚР Білім және ғылым министрі Күләш Шәмшидинова ҰБТ жауаптарының сатылуы фактісі туралы айтты, деп хабарлайды Stan.kz сайтына сілтеме жасап "Жаңақорған тынысы".

Сурет: informburo.kz
"ҰБТ нәтижесі мемлекеттік құпияға жатады. Сол себепті ондай жағдай болса (ҰБТ жауабы сатылса - авт.) заңға жүгіну керек", - деді Білім және ғылым министрі.
Ал вице-министр Эльмира Суханбердиева 2018 жылы Шымкентте бір рет қана "тест сату" фактісі болғанын атап өтті.
Баспасөз мәслихатында Шәмшидинова жалған тест жауабын сатып, "балаңыз оқуға түспей қалса, ақшаңызды қайтарып беремін" дейтін алаяқтардың бар екенін жасырмады.