ЖЕЛМЕН ЖҮРЕТІН КӨЛІК
Қазір көліктің газбен, сумен және күн энергиясымен жүретін түрінен хабардармыз, алайда, желмен жүретін көліктің шыққаннын естімеппіз. Қытайлық азамат желмен жүретін көлік құрастырды, – деп жазды «Жаңақорған тынысы» интернет газеті billionnews.ru ақпараттық порталына сілтеме жасап.
Бейжің қаласының тұрғыны, фермер Танг Чжэнпин желдің күшімен жүретін көлік құрастырды. Ұзындығы - 3 метр, ал биіктігі - 1 метрді құрайтын көлікті фермер 3 айда жасап шығарған. Көлік аккумулятордан бөлек алдындағы зырылдауық пен артындағы екі күн батареясынан қуат алады. Танг Чжэнпиннің ойлап тапқан көлігі қазіргі таңдағы электрокарлардан кем түспейді. Ол сағатына шамамен 140 километр қашықтықты бағындырады.
