Төменарық ауылы жастар корпусын дамытудағы 8 маңызы бар әлеуметтік жобаны жеңіп жүзеге асыруда.

    Ауыл халқы мен аудан жастары барлық жағынан қолдау білдірген "ОРДАКЕНТ" жастар ресурстық орталығына және аудан әкімі Галым Амреев мырзаға алғыстарын білдірді. Әңгіменің әлқиссасы алғыс айтудан басталды. Олай дейтініміз "ОРДАКЕНТ" жастар ресурстық орталығының директоры Әкімбек Мұратбекұлы мен мекеме қызметкерлері жоба туралы Жаңақорған ауданы жастарының жүрек түкпіріне жеткізе насихаттауда, құжаттамалық және жобалық сметалауда үлкен үлес қосып, күн түн демей оффлайн және онлайн, сонымен бірге телефон арқылы да кеңес беріп 160 жобаның жазылуына ықпал еткен болатын. Бұл іс әрекеттің бәрі болашағымыздың ірге тасын қалаудағы аянбай еңбек ету.

  Жастардың жан-жақты ашылып, өз кәсіптерімен айналысып, отбасы мен өңір тұрғындарына әлеуметтік жобасы арқылы шарапатын тигізсе деген ұлы мақсат тұрды. Ол арман бүгінде жүзеге асып ел игілігі жолында қызмет етуде. Нәтижесінде 68 жоба жеңіске жетіп өз жұмыстарын жүйелі түрде жүзеге асыруда. Бүгінгі әңгімемізге арқау болатын нәтижелі жұмыстың жемісі "Қымыз ауруға - ем, сауға - қуат" жобасы. Фариза Батырханқызы бастаған Төменарық жастары ауылдың әлеуметтік аз қамтылған және көпбалалы отбасылар мен мүмкіндігі шектеулі жандарға саумал мен қымыз өнімін тегін таратуда.