Бір дорба дән

Құрмаштың келіншегі Торғай әлде неге өкпелеп, төркініне жинала бастайды. «Кетемін, енді қайтып босағаңды көрмеймін, дүние-мүлкімді де алып кетемін», деп зілденетін көрінеді ол. Бұл бұлдануға жақ ашпаған Құрмаш бір кезде,-Кетсең кете бер, бірақ, ең болмаса бір дорба дән тастап кетерсің,-дейді жайбарақат.-Е, оны не қылайын деп едің?-деп шап ата қалады әйелі. Сонда ері,-Бір дорба жемді шашып жіберсем, бір топ торғай келмей ме, саған зәрулігім жоқ,-депті. Уәжден ұтылған әйелі қайта сабасына түсіпті.
Нұрмахан Елтай.