Мектеп оқушылары кітап әлемінде

Руханият орталығында ерекше рухани кездесулер өтті. Мектеп оқушылары кітап әлеміне саяхат жасап, кітапхананың тыныс-тіршілігімен жақын танысты.
Саяхат барысында жас оқырмандар кітапхана бөлімдерін аралап, рухани қазынаға толы кітаптармен танысып, кітапханашылар дайындаған мазмұнды таныстырылымды тамашалады. Оқушыларға кітаптың құндылығы, білімнің адам өміріндегі маңызы және кітапхананың қоғамдағы орны туралы кеңінен айтылды.
Кітап – адам жанын байытып, ой-өрісін кеңейтетін асыл қазына. Осындай тағылымды кездесулер жас ұрпақтың кітапқа деген қызығушылығын арттырып, рухани әлемін байыта түсері анық.
Білімге құштар жас буынның әр қадамы нұрлы болсын!
Ақниет ӘБЕН