ИНТЕРНЕТ АЛАЯҚТЫҚ, КӘМЕЛЕТКЕ ТОЛМАҒАНДАР АРАСЫНДА ҚЫЛМЫС ПЕН БҰЗАҚЫЛЫҚТЫҢ АЛДЫН АЛУ ШАРАЛАРЫ

Бүгін аудан әкімдігінің мәжіліс залында Жаңақорған ауданында интернет - алаяқтық қылмыстарын алдын алу және аудан бойынша кәмелетке толмағандар арасында қылмыс пен бұзақылықтың алдын алу бағытында атқарылып жатқан шаралар туралы жиын өтті.

Жиынға ауданның зиялы қауым өкілдері, аудан ардагерлері, мектеп директорлары мен тәрбие ісі жөніндегі орынбасарлары, учаскелік полиция инспекторлары, ауылдық округі әкімі аппаратының жауапты мамандары қатысты.
Жиында Қызылорда облыстық полиция департаментінің бірінші орынбасары, полиция полковнигі Серік Әбдімәуленұлы Тоқтыбаев интернет - алаяқтық қылмыстарын алдын алу жайлы және Жаңақорған аудандық полиция бөлімі бастығының бірінші орынбасары Мұрат Қожақұлы Жақсыбаев аудан бойынша кәмелетке толмағандар арасында қылмыс пен бұзақылықтың алдын алу бағытында атқарылып жатқан шаралар туралы баяндама жасады.